ಚಳಿ...

ಚಳಿ ನಿನ್ನ ನೆನಪಿಸುತ್ತದೆ.
ಆದ್ರೆ, ಇಲ್ಲಿ ನೀ ಕೇವಲ
ಒಂದು ಕೊರೆವ ಅನುಭವ...

ಚಳಿ ನಿನ್ನ ನೆನಪಿಸುತ್ತದೆ...
ಹಾಗೇನೆ ಕಳೆದು ಹೋದ ಆ
ಮುಂಚಾವು ಇಲ್ಲಿ ಮತ್ತೆ
ತಾಜಾ ಗೊಳ್ಳುತ್ತಿದೆ....

ಚಳಿ ನಿನ್ನ ನೆನಪಿಸುತ್ತಿದೆ...
ಹಾಗೇನೆ ಗಾಯಗೊಂಡ
ಹೃದಯ ಇಲ್ಲಿ ಮತ್ತೆ

ಮಿಡಿಯುತ್ತಿದೆ...

ಚಳಿ ನಿನ್ನ ನೆನಪಿಸುತ್ತಿದೆ...
ಆದ್ರೂ ನಿನ್ನ ಬೆಚ್ಚನೆಯ
ಪ್ರೀತಿ ಈಗಲೂ ಕೇವಲ
ಒಂದು ಕವಿತೆ...

- ರೇವನ್...

ಶ್...!!!!!!!

ಇವು ಏನೂ ಗೊತ್ತಿಲ್ಲ...

- ನೀನು ನನಗೆ ಎಂದೂ ಅರ್ಥವಾಗಿಲ್ಲ.
ಆದ್ರೂ ಪ್ರೀತಿ ಹುಟ್ಟುತ್ತಲೇ ಇದೆ...

- ಕವಿ ಏನಕ್ಕೆ ಬರೆಯುತ್ತಾನೆ ಗೊತ್ತಿಲ್ಲ.
ಆದ್ರೆ, ಆತ ಬರೆದ ಸಾಲುಗಳು ನನಗೆ
ತುಂಬಾ ಇಷ್ಟ. ಹಾಗಂತಾ ನಾನೂ ಕವಿಯಲ್ಲ...

- ನಾಲ್ಕೇ ನಾಲ್ಕು ಸಾಲು ಬರೆಯುವುದು ನನಗಿಷ್ಟ.
ಆದ್ರೆ, ಬರೆದದ್ದು ಏನು ಅಂತಾ ಇನ್ನು ಅರ್ಥವಾಗಿಲ್ಲ.
ಆದರೂ ಸಾಲುಗಳು ಹುಟ್ಟಿಬಿಡುತ್ತವೆ...

- ಬರವಣಿಗೆಯಿಂದ ಹೃದಯ ಭಾರ ಇಳಿಯುತ್ತದೆ.
ಆದ್ರೆ, ಎಷ್ಟೇ, ಬರೆದರೂ ಭಾರ ಹೆಚ್ಚಾಗುತ್ತಲೇ ಇದೆ...

- ಕವಿ ಕಂಡ ಕನಸಿನಲ್ಲಿ ನೀ ಮರೆತು ಹೋಗಿದ್ದೆ.
ಆಗ ಪದ್ಯದಲ್ಲಿಯ ಕೆಲ ಸಾಲುಗಳು ಮಾಸಿ
ಹೋಗಿದ್ದವು...

- ನೀ ನನ್ನ ಪ್ರೀತಿಯ ಆಳ ಕೇಳತಿ.
ಆದ್ರೆ, ಹೇಳಲು ಒಂದೇ ಒಂದು ಹನಿ
ಪ್ರೀತಿಯನ್ನೂ ಬಿಟ್ಟಿಲ್ಲವಲ್ಲೆ...

-ರೇವನ್

ಆ ದಿನ...

ನಮ್ಮ ಮಾತುಗಳು ಮುಗಿದಿದ್ದವು.
ಮನಸ್ಸು ಸಂತಸಗೊಂಡಿತು. ಆದ್ರೂ
ಹೃದಯಕ್ಕೆ ನಿನ್ನಿಂದ ಅದೇನೋ ಬೇಕಿತ್ತು
ಆ ದಿನ...

ಮನಸು ಸಂಪೂರ್ಣ ಖುಷಿಯಲ್ಲಿತ್ತು.
ಅದೇಕೋ ಏನೋ ಆ ದಿನ ಮನಸ್ಸಿನಲ್ಲಿ
ಕೇಳಿದ, ಹೇಳಿದ ಪದ್ಯಗಳು ಮೂಡುತ್ತಿದ್ದವು.
ಆದ್ರೂ ಮನಸ್ಸಿಗೆ ಬೇಕಿತ್ತು ಅದೇನೊ..

ಮಾತಿನಲ್ಲಿಯೇ ಕಳೆದು ಹೋಗಿತ್ತು
ಅದೇಷ್ಟೋ ಕ್ಷಣ. ಮೂಡಿ ಹೋಗಿದ್ದವು ಆಗ
ಅದೇಷ್ಟೋ ಭಾವನೆ. ಆದರೂ ಏನೋ
ಬೇಕಿತ್ತು ಆ ದಿನ..

-ರೇವನ್...

ನೀ ನನ್ನ ಮರೆತ ಕ್ಷಣ...

ನೀ ನನ್ನ ಮರೆತ ಕ್ಷಣಗಳು
ಇಲ್ಲಿ ಸಾಲುಗಳಾಗುತ್ತವೆ.
ಆದ್ರೂ ನಿನ್ನ ನೆನಪು ಕಾಡುತ್ತದೆ...

ನೀ ನನ್ನ ಮರೆತ ಕ್ಷಣ ಇಲ್ಲಿ
ನನ್ನ ಒಲವಾಗುತ್ತದೆ. ಆದ್ರೂ
ನೀ ಮನಸು ಬದಲಿಸುವುದೇ ಇಲ್ಲ...

ನೀ ನನ್ನ ಮರೆತ ಕ್ಷಣ ಇಲ್ಲಿ
ನನ್ನ ಸ್ಪೂರ್ತಿ ಆಗುವ ಪ್ರಯತ್ನ ಮಾಡುತ್ತದೆ.
ಆದ್ರೂ ನೀ ನನ್ನ ಎದೆಯಲ್ಲಿ ಗಾಯ ಮಾಡುತ್ತೀ...

ನೀ ನನ್ನ ಮರೆತ ಕ್ಷಣ ಇಲ್ಲಿ
ನೋವಾಗುತ್ತದೆ....ಸಾಲಾಗುತ್ತದೆ...ಜೊತೆಗೆ
ಸಾವೂ ಒಮ್ಮೆ ಮುತ್ತಿಕ್ಕಿ ಹೋಗುತ್ತದೆ....
ಆದ್ರೂ ನೀ ಸುಮ್ಮನಿರತಿ...

- ರೇವನ್

ಬಂಗಾರದ ಬೆಳಕಿಗೆ...

ಬಂಗಾರದ ಬೆಳಕಿಗೆ ಮಿಂಚಿತ್ತು ನಿನ್ನ ಬಣ್ಣ
ಮಳೆ ಹನಿಗಳ ಸದ್ದಿನಲ್ಲಿ ಮುಳುಗಿದ್ದವು ನಿನ್ನ ಕಣ್ಣ
ಬಂಗಾರದ ಬೆಳಕಿಗೆ....ಮಿಂಚಿತ್ತು ನಿನ್ನ ಬಣ್ಣ...

ಕಣ್ಣೋಟದಲ್ಲಿ ಅದೇನೋ ಆಸೆ...
ಮನದಲ್ಲಿ ಅದೇನೋ ಸೆಳೆತ...
ಬಂಗಾರದ ಬೆಳಕಿಗೆ ಮಿಂಚಿತ್ತು ನಿನ್ನ ಬಣ್ಣ...

ಮಳೆ ಹನಿಯಲ್ಲಿ ಕಳೆದು ಹೋದ ನೀನು...
ಆಗ ಮರೆತಿದ್ದೆ ನಿನ್ನನ್ನೆ ನೀನು...
ಬಂಗಾರದ ಬೆಳಕಿಗೆ ಮಿಂಚಿತ್ತು ನಿನ್ನ ಬಣ್ಣ...

-ರೇವನ್...

ಚಲುವೆ...

ನಿನ್ನದು ಅರ್ಥವಾಗದ ಸೌಂದರ್ಯ...
ಇಲ್ಲಿ ಆ ಚಲುವಿಲ್ಲ..ಆದರೂ ಅದೇನೋಸೆಳೆತವಿದೆ...
ಜಟಿಲ ಕವಿತೆಯ ಹಾಗೆ...

ನಿನ್ನದು ಅರ್ಥವಾಗದ ಸೌಂದರ್ಯ...
ಇಲ್ಲಿ ಕಣ್ಬೆಳಕಿನ ಚೆಂದನೆಯ ಕಾಂತಿಯಿಲ್ಲ...
ಆದರೂ ಒಂದು ಕವಿತೆ ಹುಟ್ಟುತ್ತದೆ...ನಿನ್ನ ಸ್ಪರ್ಶದ ಹಾಗೆ....

ನಿನ್ನದು ಅರ್ಥವಾಗದ ಸೌಂದರ್ಯ....
ಇಲ್ಲಿ ಚೆಂದನೆಯ ಮೈಮಾಟವಿಲ್ಲ...
ಆದರೂ ಹಲವು ಏರಿಳಿತಗಳಿವೆ... ಚೆಂದನೆಯ ಮೋಡದ ಹಾಗೆ..

ಅದಕ್ಕೆ ಅನ್ನೋದು ಚೆಲುವು...ಒಲವು ಒಬ್ಬರ ಸ್ವತ್ತಲ್ಲ ಅಂತಾ...
-ರೇವನ್...

ಪ್ರೀತಿ...

ಕಳೆದು ಹೋದ ಕ್ಷಣಗಳಿಗೆ...
ತುಂಬಿ ಬರುವ ಭಾವಗಳಿಗೆ...
ಮರೆತು ಹೋಗುವ ನಿನ್ನ ನೆನಪಿಗೆ..
ಒಂದೇ ಒಂದು ಅರ್ಥ..ಅದು ಪ್ರೀತಿ...
-ರೇವನ್...

ನಗೆ...

ನಂಗು ನಗೆ...
ನಿಂಗು ನಗೆ...
ಮಿಂಚಿ ಹೋಗುವ
ನಗೆಗೆ ನಮ್ಮಲ್ಲರ ಈ ನಗೆ...
-ರೇವನ್...

ಕಲ್ಪನೆಯ ಒಂದು ಕ್ಷಣ...

ನೀ ಬರುವ ಮೊದಲೇ ಇದು ಮರೆಯಾಗಿತ್ತು...
ನಿನ್ನ ಚೆಲುವಿನ ಹಾಗೆ...

ಹೃದಯದಲ್ಲಿ ಇದು ಅರಳುವ ಮೊದಲೇ
ಒಂದೇ ಒಂದು ಕ್ಷಣವಾಗಿತ್ತು...ನಿನ್ನ ಪ್ರೀತಿಯ ಹಾಗೆ...

ಕಲ್ಪನೆಯ ಈ ಒಂದು ಕ್ಷಣ ಆಗ ಕೇವಲ ಮಿಡಿತವಾಗಿತ್ತು...
ನಿನ್ನ ಮೋಹ ನನ್ನೆದೆಯಲಿ ಕಾಲಿಡುವ ಮೊದಲೇ..

-ರೇವನ್...

ನಿಲ್ಲದು ವಾಯಲಿನ್...

ವಾಯಲಿನ್ ನುಡಿಸುತ್ತಿದೆ ನಿನ್ನ ನೋವ ನನ್ನ ಹೃದಯದಲ್ಲಿ...
ಆದರೂ ಕಣ್ಣ ಹನಿ ನಿಲ್ಲದು...

ವಾಯಲಿನ್ ಅಳುತ್ತಿದೆ ನಿನ್ನ ನೆನೆ,ನೆನೆದು...ದು:ಖದಲ್ಲಿ.
ಆದರೂ ಬತ್ತದು ನಿನ್ನ ನೋವು.

ವಾಯಲಿನ್ ರೋಧಿಸುತ್ತಿದೆ ನಿನ್ನ ಪ್ರೀತಿಯಲ್ಲಿ.
ಆದರೂ ಮರೆಯಲಾಗದು ನಿನ್ನ ಮೋಸ...

ವಾಯಲಿನ್ ಕೊರೆಯುತ್ತಿದೆ ನನ್ನ ಹೃದಯ.
ಆದರೂ ಬಿಡದು ನಿನ್ನ ಒಲವು..

ವಾಯಲಿನ್ ಸೋಲುತ್ತಿದೆ ನಿನ್ನ ಮಿಡಿಯಲು.
ಆದರೂ ಮಾಯವಾಗದು ನಿನ್ನ ಚೆಲುವು.

ನೀ ಮರೆಯಾದರೂ, ನೀ ಮಾಯವಾದರೂ ನಿಲ್ಲದು
ಈ ವಾಯಲಿನ್....

-ರೇವನ್...

ಕಳೆದು ಹೋದ ಕ್ಷಣ...

ನಿನ್ನ ನೆನಪು... ಕಳೆದು ಹೋದ ಕ್ಷಣ.
ಎಲ್ಲವೂ ಈಗ ಬರೀ ನೆನಪು..


ಸುಟ್ಟರೂ ಸುಡಲಾರದು ನಿನ್ನ ಆ ಮಧುರ ಪ್ರೀತಿ.
ಅರಳಿದರೂ ಬಾಡದು ಈ ನೋವು.


ಕಳೆದು ಹೋದ ಆ ಕ್ಷಣ. ಮತ್ತು ನಿನ್ನ ನೆನಪು
ಈಗ ಬರಿ ನೋವು..ಯಾತನೆ.. ಮತ್ತೂ ಯಾತನೆ.


ಬದುಕು ಅರ್ಥವಾಗುವ ಮೊದಲೇ ನೀ ಬಂದಿದ್ದೆಲ್ಲ.
ಈಗ ಜೀವ ಅರಳಿ ನಿಂತಿದೆ. ನಿನ್ನ ನೆನಪುಗಳಿವೆ. ಜೊತೆಗೆ
ನೀನ್ನ ಆ ಮಧುರ ನೋವುಗಳಿವೆ. ಜೀವಿಸಲಾ ಅನ್ನೋ ಪ್ರಶ್ನೆ
ನಿನ್ನಂತೆ ಈಗ ಸದ ಕಾಡುತ್ತಿದೆ.

- ರೇವನ್...

ಮೌನ ...

ನುಡಿಯದ ಮೌನ ಸಾಲಾಯಿತು...
ಮಿಡಿದ ಹೃದಯ ಸ್ತಬ್ಧವಾಯಿತು...
ಆದ್ರೆ, ನಿನ್ನ ನೋವು ಎಂದೂ ನನ್ನದಾಗಲಿಲ್ಲ.
- ರೇವನ್...

ನಿನ್ನ ಸಾಲು...

ನಿನ್ನ ಪ್ರತಿ ಮಾತಿನಲ್ಲೂ ಮುಗ್ಧತೆಯ ಸಿಂಚನ.
ಮನದ ಆಸೆಗೆ ಕಲ್ಪನೆ ನಿಲುಕಿದರೂ ಈಗಲೂ ನಾಚಿಕೆಯ ಲೇಪನ.
ಹೃದಯದಲ್ಲಿ ನನ್ನ ಬಿಂಬವಿದ್ದರೂ ಪ್ರತ್ಯಕ್ಷ ಕಾಣಬೇಕೆಂಬುದು ನಿನ್ನ ಹಂಬಲ.

ನಲಿದು, ಒಲಿದು...ನಿನ್ನಡೆಗೆ ಬಂದರೂ ನಿನ್ನ ಹೃದಯ ಇನ್ನೂ ಬೇಕು
ಅನ್ನುತ್ತಿದೆ ಪ್ರೀತಿಯನ್ನ. ಉಸಿರು ಬಿಗಿಹಿಡಿದು ಎಲ್ಲ ಪ್ರೀತಿಯನ್ನ ನಿನಗೆ
ಬಸಿದಾಗಿದೆ... ಹೇ !!! ನನ್ನ ಒಲವೇ... ಕೊಂಚ ತಡೆ... ಮುನಿಸಿಕೊಳ್ಳಬೇಡ.

ನನ್ನ ಉಸಿರ ಮಧ್ಯ ಆಗ ಒಂದು ಹನಿ ಪ್ರೀತಿ ಉಳಿದಿತ್ತು.
ಆ ಪ್ರೀತಿ ಈಗ ಅನಾವರಣಗೊಳ್ಳುತ್ತಿದೆ.

- ರೇವನ್...

ಒಲಿದ ಕವನ...

ಹಸಿರ ಉಸಿರ ಮಧ್ಯ ಪ್ರೀತಿಯ ಕವನ.
ತಂಗಾಳಿಯ ಒಲವಿಗೆ ಸ್ಪೂರ್ತಿಯ ಸಿಂಚನ.

ನಲಿವ ಜೋಡಿಗೆ ವಿರಹದ ಅಂತರ.
ನಿನ್ನ ನೆನಪಿಗೆ ಮೋಹದ ಲೇಪನ.

ಆದ್ರೆ, ಒಲಿದ ಕವನಕ್ಕೆ...

-ರೇವಣ್...

ಕವಿತೆ...

ಭಾವನೆಗಳು ಕವಿತೆಯಾಗಲು ಪ್ರಯತ್ನಿಸಿದವು.
ಆದ್ರೆ, ಸಾಲುಗಳು ಶಾಯರಿಯಾದವು

ಒಲವು ಚಲುವಾಗಲು ಯತ್ನಿಸಿದವು.
ಆದ್ರೆ, ಭಗ್ನವಾದವು.

ಕಣ್ಣು ಕಂಬನಿಯಾದವು.
ಆದ್ರೆ, ಹನಿಗಳು ಕವಿತೆಯಾದವು.

- ರೇವನ್...

ಹುಡುಗಿ...

ಹುಡುಗಿ ನೀ ನನ್ನೇಕೆ ಕಾಡಿದೆ.
ಎಂದು ನಿನ್ನ ರಾಗ್ ಮಾಡಲಿಲ್ಲ.
ಜೋಡಿ ಹಕ್ಕಿಯಂತೆ ಹಾರಬೇಕೆಂದು
ಕನಸು ಕಾಣಲಿಲ್ಲ.

ಆದ್ರೆ, ನೀನೇಕೆ ನನ್ನ ಪ್ರೀತಿಸಿ ಹೋದೆ....
- ರೇವನ್...

ಭಾವ ಲಹರಿ...

ಓ... ನಿರ್ಮಲ ಭಾವವೇ, ನೀನೆಷ್ಟು ಕೋಮಲಾ.
ನಿನ್ನ ಮುಟ್ಟಲಿಚ್ಚಿಸಿದರೆ, ಮುದುಡುತ್ತಿರುವೆ.
ಓ... ನಿರ್ಮಲ ಭಾವವೇ ನೀನೆಷ್ಟು.....


ನೆನೆದಾಗ ಬರದಿರುವೇ, ನೆನೆಯದಿದ್ದಾಗ
ತಲೆ ಏರುವೆ.

ಓ... ನಿರ್ಮಲ ಭಾವವೇ, ನಿನೆಷ್ಟು ಚೆಂಚಲ.

- ರೇವನ್...